Hasiera

IKERKETA

Psikomotrizitate Praktikako Formazio Eskolen Elkarte Europarreko (ASEFOP) kide da Luzaro. Psikomotrizitate praktikaren zein formazio-prozesuen inguruko ikerketan ari diren beste zenbait formazio eskola ere biltzen ditu ASEFOP elkarteak.

 

FORMAZIOA

1988tik ari gara psikomotrizitate praktikan espezialistak formatzen, izan Arreta Goiztiarraren esparruan, izan heziketa eta prebentzio esparruan, izan terapia esparruan. Halaber, psikomotrizitate praktikan oinarritzen diren eskolei edota hezkuntza proiektuei aholkularitza ere eskaintzen diegu.

 

HEDAPENA

Ikerketa eta formazioa bezain garrantzitsua da, gure ustez, heziketa eta terapia arloko profesionalei eta, oro har, gizarte osoari, psikomotrizitate praktikaren berri zabaltzea. Hain zuzen ere, horretarako argitaratzen dugu “Psikomotrizitate Koadernoak” aldizkaria. Horrez gain, aldizkari eta liburu espezializatuen bidez ere ematen dugu psikomotrizitate praktikaren berri. Eta, jakina, baita 2 urtez behin Gasteizen antolatzen ditugun psikomotrizitate praktikari buruzko jardunaldietan ere.

Gure Ikastaroak

BERRIA! Psikomotrizitate praktika terapeutikoa

2020/2021 ikasturtea

Informa zaitez!

BERRIA! Sentsibilizazio ikastaroak

2019 ikasturtea

Informa zaitez!

Heziketa eta prebentzio mailako psikomotrizitate praktika

2019/2020 ikasturtea

Informa zaitez!

Etengabeko formazioa

2019 ikasturtea

Informa zaitez!

FORMAZIO ESKAINTZA

Luzaro Psikomotrizitate Eskolak hainbat formazio aukera eskaintzen ditu, hala nola: sentsibilizazio ikastaroak, heziketa eta prebentzio mailako psikomotrizitate praktika (2 urte), psikomotrizitate praktika terapeutikoa (2 urte) eta etengabeko formazioa. Formazio aukera horiek guztiek Eusko Jaurlaritzako Hezkuntza Sailaren homologazioa dute. Horrez gain, ASEFOP elkartearen berme zientifikoa ere badute.

Eskaintzen ditugun ikastaro guzti-guztietan pertsona eta bere zaintza jartzen ditugu erdigunean, hori da abiapuntua. Pertsonaz ari garenean, formatzen ari den profesionalaz zein haurrez ari gara.

Bi urteko iraupena duten formazioak 3 ardatz nagusiren bueltan diseinatzen ditugu: formazio teorikoa, formazio praktikoa eta formazio pertsonala. 3 ardatz horien bidez, haurrarekiko zein profesional gisa haurrarekin eraiki behar genukeen harremanarekiko begirada aldaketa bat bilatu nahi dugu, horretarako, ezagutza teoriko batzuk eta horien araberako teknizitate edo esku-hartze estrategia espezifiko batzuk landuz.

Berriak